சென்னை ஆர்.கே. நகர் இடைத்தேர்தலில் தேமுதிக போட்டியிடாது: விஜயகாந்த் அறிவிப்பு

பதிவு செய்த நாள் : 13 அக்டோபர் 2017 19:51

சென்னை,

சென்னை ஆர்.கே. நகர் இடைத்தேர்தலில் தேமுதிக போட்டியிடாது என்று தேமுதிக பொதுச்செயலாளர் விஜயகாந்த் தெரிவித்தார்.

தே.மு.தி.க. பொதுச்செயலாளர் விஜயகாந்த் இன்று காலை ஸ்டான்லி மருத்துவமனையில் டெங்கு காய்ச்சலால் பாதிக்கப்பட்டவர்களை சந்தித்து நலம் விசாரித்தார்.
பின்னர் அவர் நிருபர்களுக்கு பேட்டி அளித்தார் அப்போது அவர் கூறியதாவது:
டெங்கு காய்ச்சலால் பாதிக்கப்பட்டு சிகிச்சை பெறுபவர்களுக்கு, வழங்கும் தொகையை அரசு உயர்த்தி வழங்க வேண்டும்.
டெங்கு காய்ச்சலைக் கட்டுப்படுத்த மாநில அரசு  கூடுதல் நிதி ஒதுக்க வேண்டும்.

சென்னை ஆர்.கே. நகர் இடைத்தேர்தலில் தேமுதிக போட்டியிடாது; ஏனெனில், தமிழகத்தில் மீண்டும் பொதுத்தேர்தல் வரும். அதனால் தற்போது  எங்கள் சக்தியை வீணாகச் செலவிட விருப்பம் இல்லை.

இவ்வாறு, தே.மு.தி.க. பொதுச்செயலாளர்  விஜயகாந்த் கூறினார்.