சசி குடும்பத்தை துாக்கி எறிய தான் தர்ம யுத்தம்: நெல்லையில் ஓபிஎஸ் கடும் காட்டம்

பதிவு செய்த நாள் : 19 ஜூன் 2017 00:00



திரு­­­நெல்­வேலி:

‘’உள்­ளாட்­சித்­தேர்­தலை நடத்த தயாரா’ என நெல்­லை­யில் செயல்­வீ­ரர்­கள் கூட்­டத்­தில் முன்­னாள் முதல்­வர் ஓ.பி.எஸ்., முதல்­வர் எடப்­பாடி பழ­னிச்­சா­­­மிக்கு சவால் விடுத்­துப் பேசி­னார்.

நெல்­லை­யில் அ.தி.மு.க., (புரட்­சித்­த­லைவி அம்மா) சார்­பில் நடந்த செயல் வீரர்­கள், வீராங்­க­னை­கள் ஆலோ­ச­னைக்­கூட்­டத்­தில் முன்­னாள் முதல்­வர் ஓ.பி.எஸ்., பேசி­ய­தா­வது:

இயக்­கத்தை மீட்­கும் தர்­ம­யுத்­தத்தை துவக்­கி­யும், எம்.ஜி.ஆர்., நூற்­றாண்டு விழா குறித்­தும் இது­வரை 6 மாவட்­டங்­­­க­ளில் ஆலோ­சனை நடத்­தி­யுள்­ளோம். 7வது மாவட்­ட­மாக நெல்­லை­யில் கூட்­டம் நடக்­கி­றது. மண்­ட­பம், அரங்­கில் செயல் வீரர்­கள் கூட்­டம் நடப்­பது தான், தொன்று தொட்டு இருந்து வரும் வழக்­கம். கூட்­டத்தை மாநாடு போல நடத்­தும் ஆற்­றல், நமக்­குத் தான் உண்டு என இங்கு திரண்டு நிற்­கும் கூட்­டம் நிரூ­பிக்­கி­றது.

45 ஆண்­டுக்­கா­லம் எம்.ஜி.ஆர்., ஜெய­ல­லிதா அ.தி.மு.க.,வை மக்­கள் இயக்­க­மாக வளர்த்­த­னர். அனைத்து தொண்­டர்­க­ளும் நம் பக்­கம் தான் என்­ப­தற்கு கடல் போல திரண்டு நிற்­கும் இக்­கூட்­டம் எடுத்­துக்­காட்­டாக உள்­ளது. நெல்லை இனி­மேல்.... அவர்­க­ளுக்கு (சசி­கலா) இல்லை.....என நிரூ­ப­ணம் ஆகி­விட்­டது. நெல்­லைக்கு பல சிறப்­பு­கள் உண்டு. நம்­மாழ்­வார், கும­­­ர­கு­ரு­ப­ரர், பார­தி­யார், வ.உ.சி., புது­மைப்­பித்­தன், புலித்­தே­வர், வாஞ்­சி­நா­தன், காயி­தே­மில்­லத், சுந்­த­ர­லிங்க தேவேந்­தி­ரன் உள்­ளிட்­டோர் பிறந்த சிறப்­புக்­கு­ரி­யது நெல்லை மண்.

நெல்லை அல்வா உல­கம் முழு­வ­தும் புகழ் பெற்­றது. அல்வா போல இங்­குள்ள மக்­க­ளும் இனி­மை­யா­ன­வர்­கள். நமக்கு தலை­யாய கடமை, செய­லாற்­றும் பொறுப்பு உள்­ளது. ஜெய­ல­லிதா தற்­போது நம்­மு­டன் இல்லை. அண்ணா, எம்.ஜி.ஆர்., ஜெய­ல­லிதா ஆகி­யோர் திரா­விட இயக்­கத்தை வளர்த்­தெ­டுத்­த­வர்­கள். இயக்­கத்­தின் பரி­ணாம வளர்ச்­சி­யாக விளங்­கு­ப­வர்­கள். தமிழ் இனத்­தின் தன்­மா­னம் காத்­த­வர் அண்ணா. பெண்­க­ளின் துயர் துடைத்­த­வர் எம்.ஜி.ஆர்., இந்த இரு தலை­வர்­க­ளின் குணம், பண்பை ஒருங்கே பெற்­ற­வர் ஜெய­ல­லிதா.

1972ல் எம்.ஜி.ஆர்., அ.தி.மு.க.,வை துவக்­கி­னார். கட்­சியை மக்­கள் இயக்­க­மாக உரு­வாக்­கி­னார். அன்று இயக்­கம் துவக்­கப்­பட்ட போது, இருந்த அனைத்து தலை­வர்­க­ளும் தற்­போது நம்­­­மு­டன் உள்­ள­னர். இயக்­கத்­திற்கு துாணாக நின்று வலு சேர்த்த பொன்­னை­யன், பி.எச்.பாண்­டி­யன், மது­சூ­த­னன் உள்­ளிட்­டோர் நம்­­­மி­டம் உள்­ள­னர். 27 ஆண்­டு­கள் தமி­ழ­கத்தை ஆளும் உரி­மையை மக்­கள் நமக்கு தந்­த­னர். நாட்­டில் வேறு எந்­தக் கட்­சிக்­கும் இந்த பெருமை கிடை­யாது. கட்­சிக்கு பக்­க­ப­ல­மாக நின்ற தலை­வர்­க­ளும் இதற்­குக் கார­ணம்.

எம்.ஜி.ஆருக்­குப் பின் கட்­சிக்கு வந்த சோத­னை­கள், சவால்­களை உறு­தி­யான உள்­ளத்­து­டன் எதிர்­கொண்­ட­வர் ஜெய­ல­லிதா. எம்.ஜி.ஆர்., காலத்­தில் 14 லட்­ச­மாக இருந்த உறுப்­பி­னர்­கள் எண்­ணிக்கை, ஜெ., யின் அய­ராத உழைப்­பால் 1.5 கோடி­யாக உயர்ந்­தது. கொம்­பாதி கொம்­ப­­­­னா­லும் உடைக்க முடி­யாத கோட்­டை­யாக அ.தி.மு.க., உரு­வெ­டுத்­துள்­ளது. மக்­கள் ஆட்சி நடக்க வேண்­டும்,

எந்த குடும்­பத்­தின் கட்­டுப்­பாட்­டிற்­கும் கட்சி செல்­லக்­கூ­டா­­து என்­ப­தற்­காக அ.தி.மு.க., துவக்­கப்­பட்­டது. ஆனால் இன்று நிலை அப்­படி இல்லை. ஆட்சி யாரி­டம் உள்­ளது என மக்­க­ளுக்­குத் தெரி­யும். இதற்­கி­டை­யில், ஸ்டாலின் ஆட்­சி­யைப் பிடிக்க துடிக்­கி­றார். தனிப்­பட்ட குடும்­பத்­தி­டம் இருந்து ஆட்­சியை மீட்க வேண்­டும்.

2011ல் சசி­கலா உட்­பட 16 பேரை கட்­சி­யில் இருந்து ஜெய­ல­லிதா நீக்­கி­னார். 3 மாதங்­க­ளுக்கு பின் சசி­க­லாவை மட்­டும் உத­விக்­காக சேர்த்­தார். நீக்­கப்­பட்­ட­வர்­கள் வேறு யாரை­யும் அவர் சேர்க்­க­வில்லை. தின­க­ரன் உள்­ளிட்­டோரை அவர் இறக்­கும் வரை மீண்­டும் கட்­சி­யில் சேர்க்­க­வில்லை. நீக்­கப்­பட்­ட­வர்­கள், அவர்­க­ளா­கவே கட்­சி­யில் இணைந்து, தாங்­க­ளா­கவே பத­வியை ஏற்­றுக் கொண்­ட­னர். அவர்­க­ளி­டம் இருந்து கட்­சியை மீட்­கவே தர்­ம­­­யுத்­தம் நடக்­கி­றது.

ஜெய­ல­லிதா 72 நாட்­கள் ஆஸ்­பத்­தி­ரி­யில் இருந்­தார். அவ­ரது இறப்பு குறித்த மர்ம முடிச்சு அவி­ழும் வரை தர்­ம­யுத்­தம் தொட­ரும். உண்­மை­யான அ.தி.மு.க,, நாம் தான். நியா­யம், மக்­கள் நம் பக்­கம் தான். தற்­போது நடப்­பது, ஜெ,, அரசு அல்ல. ஜெ., ஆட்­சி­யில் அறி­வித்த திட்­டங்­கள் தற்­போது நடை­மு­றைப்­ப­டுத்­தப்­ப­ட­வில்லை. ஜெ., ஆட்­சி­யில் உலக அள­வில் முத­லீட்­டா­ளர்­களை ஈர்க்­கும் வகை­யில் கூட்­டம் நடத்தி, 96 புரிந்­து­ணர்வு ஒப்­பந்­தங்­கள் உரு­வாக்­கப்­பட்­டன. நிறு­வ­னங்­கள் தொழில் துவக்க எந்த நட­வ­டிக்­­­கை­யும் இல்லை. 25 ஆயி­ரம் பேருக்கு வேலை­வாய்ப்பு அளிக்­­­க­வி­ருந்த மோட்­டார் நிறு­வ­னம், இவர்­க­ளுக்கு இடையே ஏற்­பட்ட பிரச்­னை­யால் ஆந்­தி­ரா­விற்கு சென்று விட்­டது. அம்மா உண­வ­கங்­கள்

சீராக இயங்­கு­வ­தில்லை. அங்கு வழங்­கப்­ப­டும் உணவு தர­மா­ன­தாக இல்லை. அம்மா குடி­நீர் சீராக கிடைப்­ப­தில்லை. இந்த அரசு பிரச்­னை­களை தீர்ப்­ப­தில்லை. பிரச்­னை­கள் தாமாக தீரும் என ஆட்­சி­யா­­­ளர்­கள் ஜட­மாக நின்று வேடிக்கை பார்க்­கின்­ற­னர். மற்­றொரு புறம், ஆட்­சி­யைப் பிடிக்­கும் கன­வில் ஸ்டாலின் உள்­ளார். கடந்த தேர்­த­லில் ஆட்­சி­யைப் பிடிக்க அவர் பல வேடங்­க­ளில் வலம் வந்­தார். அவற்றை முறி­ய­டித்து ஜெ., ஆட்சி அமைத்­தார்.

122 எம்.எல்.ஏ.,க்களை மட்­டும் வைத்­துக் கொண்டு இந்த ஆட்சி நடக்­கி­றது. ஜெ., சேர்த்து வைத்த பெருமை, புகழ், மாண்பு பறி­போ­கி­றது. இதை தடுக்­கும் பொறுப்பு நமக்கு உண்டு. உள்­ளாட்­சித்­தேர்­தலை அறி­விக்க சசி­கலா பினாமி எடப்­பாடி அரசு தயாரா.... பார்­லி­மென்ட், சட்­ட­சபை, உள்­ளாட்சி என எந்த தேர்­தல் வந்­தா­லும் நமது தலை­மை­யில் ஜெ., ஆட்சி வரும். அந்த நிலை விரை­வில் வரும். எம்.ஜி.ஆர்., நூற்­றாண்டு விழா கூட்­டம் விரை­வில் சென்­னை­யில் நடக்­கும். பிர­த­மர் மோடி பங்­­­கேற்க உள்­ளார். 1972ல் எம்.ஜி.ஆர்., கட்­சியை துவக்­கிய போது, உடன் இருந்து பணி செய்த அனை­வ­ருக்­கும் பாராட்டு, பரிசு வழங்­கப்­ப­டும். எம்.ஜி.ஆர்., புகழ் சரித்­தி­ரம் இடம் பெறும் வகை­யில் கருத்­த­ரங்கு, கவி­ய­ரங்கு நடக்­கும். மாவட்­டந்­தோ­றும் எம்.ஜி.ஆர்., ஜெய­ல­லி­தா­விற்கு சிலை அமைக்­கப்­ப­டும். ஜெ., ஆட்­சியை மீண்­டும் அமைத்து, நாம் தான் உண்­மை­யான அ.தி.மு.க., என நிரூ­பிப்­போம். அனை­வ­ரும் ஒருங்­கி­ணைந்து செயல்­பட்டு வெற்றி பெறு­வோம்.

இவ்­வாறு முன்­னாள் முதல்­வர் ஓ.பி.எஸ்., பேசி­னார்.

ஓபிஎஸ் புதுக்கதை

தமிழகத்தின் இன்றைய அரசியல் நிலை குட்டிக்கதை மூலம் விளக்கிய ஓ.பி.எஸ்.,

நெல்லையில் அதிமுக., ( புரட்சி தலைவி அம்மா அணி) செயல்வீரர்கள், வீராங்கனைகள் கூட்டம் நடந்தது. கூட்டத்திற்கு தலைமை வகித்து முன்னாள் முதல்வர் ஓ.பன்னீர்செல்வம், தமிழகத்தின் இன்றைய அரசியல் நிலை குறித்து  குட்டிக்கதை மூலம் விளக்கி கூறினார். அதன் விவரம்:

ஓட்டலில் ஒருவர் 40ரூபாய்க்கு சாப்பிட்டு விட்டு, ஓட்டல் உரிமையாளரிடம் பில்லுடன் ரூ.50 கொடுத்தார். உரிமை யாளர் பில் தொகை ரூ.40ஐ எடுத்துக் கொண்டு மீதி தொகை ரூ.10 வழங்கினார். சாப்பிட்டவர் ரூ.100 வழங்கியதாக உரிமையாளரிடம் மீதி ரூ.50 கேட்டார். அப்போது சாப்பிட்ட வருக்கும், உரிமையாளருக்கும் இடையே வாக்குவாதம் ஏற்பட்டது. உரிமையாளர் ரூ.50 கொடுத்ததாக கூறினார்.  அப்போது இதனை வேடிக்கை பார்த்த மற்றொரு நபர், இவர்களது சண்டையை தீர்க்க முன் வந்தார். அவரிடம் 2பேரும் தங்களது பிரச்னையை கூறினர். இந்த பிரச்னையை கேட்ட நபர்,  உங்களுடைய சண்டையில் நான் கொடுத்த 100 ரூபாயை மறந்து விடாதீர்கள் என கூறினார்.

  இந்த பிரச்னையில் ஓட்டல் முதலாளி நாம் (மக்கள்)தான். முதலில் சாப்பிட்டவர்  முதல்வர் இ.பி.எஸ்., கோஷ்டி, பணம் வழங்காமல் வழங்கியதாக கூறி பஞ்சாயத்து செய்தவர் திமுக., செயல் தலைவர் ஸ்டாலின். இது தான் தற்போதைய தமிழகத்தின் அரசியல் நிலை என்பதை குட்டிக்கதையின் மூலம் விளக்கி கூறினார். இந்த குட்டிக்கதையை ரசித்த தொண்டர்கள் கைதட்டி ஆரவாரம் செய்தனர்.