கடலில் தத்தளித்த மீனவர்கள் மீட்பு

பதிவு செய்த நாள் : 13 ஆகஸ்ட் 2017 07:48


கன்னியாகுமரி:

கன்னியாகுமரி அருகே கடலில் இன்ஜின் கோளாறு காரணமாக தத்தளித்த மீனவர்களை கடலோர பாதுகாப்பு குழும போலீசார் மீட்டனர்.

கன்னியாகுமரியை அடுத்த கீழமணக்குடியை சேர்ந்தவர் ஆல்பர்ட் (37). இவருக்கு சொந்தமான வள்ளத்தில் அதே பகுதியை சேர்ந்த மரியஜாண் (60), போஸ்கோ (63), சூசை (45), பிராங்களின் (52) ஆகிய 5 பேரும் நேற்று காலை 4 மணியளவில் கீழமணக்குடியில் இருந்து மீன்பிடிக்க சென்றனர். சின்னமுட்டத்திலிருந்து 3 நாட்டிக்கல்மைல் தொலைவில் மீன்பிடித்துவிட்டு திரும்பிகொண்டிருந்த போது வள்ளத்தில் இன்ஜின் கோளாறு காரணமாக கடலில் தத்தளித்தது. அப்போது அந்த வழியாக வழக்கமான ரோந்துபணியில் ஈடுபட்டிருந்த கடலோர பாதுகாப்பு குழுமத்திற்கு சொந்தமான படகு தத்தளித்த வள்ளத்தை மீட்டு சின்னமுட்டம் துறைமுக்திற்கு கொண்டுவந்தனர்.