சிம்புவுடன் தனுஷ் இணைகிறார்!

05 டிசம்பர் 2017, 06:39 PM

நடிகராக இருந்த சிம்பு தற்போது ‘சக்க போடு போடு ராஜா’ படத்தின் மூலம் இசையமைப்பாளராக அறிமுகமாகிறார். இப்படத்தில் சந்தானம் கதாநாயகனாக நடித்துள்ளார். இவருக்கு ஜோடியாக வைபவி சாண்டில்யா நடித்துள்ளார். மேலும் விவேக், சம்பத் உள்ளிட்ட பலர் நடித்துள்ளனர்.

சேதுராமன் இயக்கியுள்ள இப்படத்தை விடிவி கணேஷ் தயாரித்துள்ளார். படத்தின் பின்னணி வேலைகள் மும்முரமாக நடைபெற்று வருகின்றன. இப்படத்தை இம்மாதம் 22ம் தேதி வெளியிட இருப்பதாக படக்குழுவினர் அறிவித்துள்ளனர். இந்நிலையில், இதன் பாடல்களை டிசம்பர் 6ம் தேதி வெளியிட இருக்கிறார்கள். மேலும் நாளை பாடல்களை தனுஷ் வெளியிட இருப்பதாகவும் சந்தானம் அதிகாரப்பூர்வமாக அறிவித்திருக்கிறார். சிம்பு இசையில் உருவான பாடல்களை தனுஷ் வெளியிடுவது இப்படத்தின் மீதான எதிர்பார்பை அதிகரித்துள்ளது.