‘திருட்டுப் பயலே 2’ ரிலீஸ்!

10 அக்டோபர் 2017, 06:04 PM

சுசிகணேசன் இயக்கத்தில் உருவாகியுள்ள ‘திருட்டுப் பயலே- 2’ படத்தின் அனைத்து வேலைகளும் முடிவடைந்து, சமீபத்தில் சென்சார் காட்சியும் நடைபெற்றது. சென்சாரில் 'யு/ஏ' சர்டிபிகேட் கிடைத்திருக்கும் ‘திருட்டுப் பயலே -2’வை வெளியிடும் வேலைகளில் ஈடுபட்டுள்ள படக்குழுவினர், இந்த படத்தை நவம்பர் முதல் வாரம் வெளியிடவிருப்பதாக அறிவித்திருக்கிறார்கள்.

பாபி சிம்ஹா, பிரசன்னா, அமலா பால் முதலானோர் முக்கிய பாத்திரங்களில் நடித்திருக்கும் ‘திருட்டுப் பயலே- 2’வை முதல் பாகத்தை தயாரித்த ‘ஏ.ஜி.எஸ்.எண்டர்டெயின்மென்ட்’ நிறுவனமே தயாரித்துள்ளது. இந்த படத்திற்கு வித்யாசாகர் இசையமைத்திருக்கிறார். செல்லத்துரை ஒளிப்பதிவு செய்துள்ளார். சுசீந்திரன் இயக்கத்தில் ‘மாநகரம்’ சந்தீப் கிஷன், மெஹரின், விக்ராந்த், சூரி முதலானோர் நடிப்பில் உருவாகியுள்ள ‘நெஞ்சில் துணிவிருந்தால்’ நவம்பர் 3-ம் தேதி வெளியாகவிருக்கிறது. இதனால் இந்த இரண்டு படங்களும் ஒரே நாளில் வெளியாகும் சூழ்நிலை உருவாகியுள்ளது.